Copywork is not a speed-typing drill but time to re-hold the words and flow of Scripture, one verse at a time. Your input is saved temporarily in this browser, and to your account when you are signed in.
Yesu ya bar haikali ke nan, yana cikin tafiya sai almajiransa suka zo wurinsa don su ja hankalinsa ga gine-ginen haikali.
24:2
Waiting
Sai Yesu ya ce, “Kun ga duk waɗannan abubuwa? Gaskiya nake gaya muku, ba wani dutse a nan da za a bari a kan wani; duk za a rushe.”
24:3
Waiting
Da Yesu yana zaune a Dutsen Zaitun, almajiran suka zo wurinsa a ɓoye. Suka ce, “Gaya mana, yaushe ne wannan zai faru, mece ce alamar zuwanka da kuma ta ƙarshen zamani?”
24:4
Waiting
Yesu ya amsa, “Ku lura fa, kada wani yă ruɗe ku.
24:5
Waiting
Gama mutane da yawa za su zo cikin sunana, suna cewa, ‘Ni ne Kiristi,’ za su kuwa ruɗi mutane da yawa.
24:6
Waiting
Za ku ji labarin yaƙe-yaƙe da kuma jita-jitarsu, sai dai ku lura kada hankalinku yă tashi. Dole irin waɗannan abubuwa su faru, amma ƙarshen tukuna.
24:7
Waiting
Al’umma za tă tasar wa al’umma, mulki yă tasar wa mulki. Za a yi yunwa da girgizar ƙasa a wurare dabam-dabam.
24:8
Waiting
Dukan waɗannan fa, mafarin azabar naƙudar haihuwa ne.
24:9
Waiting
“Sa’an nan za a bashe ku don a tsananta muku a kuma kashe ku, dukan al’ummai za su ƙi ku saboda ni.
24:10
Waiting
A wannan lokaci, da yawa za su juya daga bangaskiya, su ci amana su kuma ƙi juna,
24:11
Waiting
annabawan ƙarya da yawa za su firfito su kuma ruɗi mutane da yawa.
24:12
Waiting
Saboda ƙaruwar mugunta, ƙaunar yawanci za tă yi sanyi,
24:13
Waiting
amma duk wanda ya tsaya da ƙarfi har ƙarshe, zai sami ceto.
24:14
Waiting
Za a kuma yi wa’azin wannan bisharar mulki a cikin dukan duniya, yă zama shaida ga dukan al’ummai, sa’an nan ƙarshen yă zo.
24:15
Waiting
“Saboda haka sa’ad da kuka ga ‘abin ƙyama mai kawo hallaka,’ wanda annabi Daniyel ya yi magana a kai, yana tsaye a tsattsarkan wuri (mai karatu yă gane),
24:16
Waiting
to, sai waɗanda suke cikin Yahudiya, su gudu zuwa cikin duwatsu.
24:17
Waiting
Kada wani da yake a kan rufin gidansa, yă sauko don ɗaukar wani abu a gida.
24:18
Waiting
Kada wani da yake gona kuma yă komo don ɗaukar rigarsa.
24:19
Waiting
Kaiton mata masu ciki da mata masu renon ’ya’ya a waɗancan kwanakin!
24:20
Waiting
Ku yi addu’a, kada gudunku yă zama a lokacin sanyi ko a ranar Asabbaci.
24:21
Waiting
Gama a lokacin za a yi wata matsananciyar wahala, wadda ba a taɓa yi ba tun farkon duniya har ya zuwa yanzu ba kuwa za a ƙara yi ba.
24:22
Waiting
“Da ba don an taƙaita kwanakin nan ba, da babu wani da zai tsira, amma saboda zaɓaɓɓun nan, za a taƙaita kwanakin.
24:23
Waiting
A lokacin in wani ya ce muku, ‘Duba, ga Kiristi nan!’ Ko, ‘Ga shi can!’ Kada ku gaskata.
24:24
Waiting
Gama Kiristi masu yawa na ƙarya, da annabawan ƙarya za su firfito, su kuma aikata manyan alamu da ayyukan banmamaki don su ruɗi har da zaɓaɓɓu ma in zai yiwu.
24:25
Waiting
Ga shi, na faɗa muku tun da wuri.
24:26
Waiting
“Saboda haka in wani ya ce muku, ‘Ga shi can a hamada,’ kada ku fita; ko, ‘Ga shi nan a ɗakunan ciki,’ kada ku gaskata.
24:27
Waiting
Gama kamar yadda walƙiya take wulgawa walai daga gabas zuwa yamma, haka dawowar Ɗan Mutum zai kasance.
24:28
Waiting
Duk inda mushe yake, can ungulai za su taru.
24:29
Waiting
“Nan da nan bayan tsabar wahalan nan
24:30
Waiting
“A sa’an nan ne alamar dawowar Ɗan Mutum zai bayyana a sararin sama, dukan al’umman duniya kuwa za su yi kuka. Za su ga Ɗan Mutum yana zuwa kan gizagizan sararin sama, da iko da kuma ɗaukaka mai girma.
24:31
Waiting
Zai kuwa aiki mala’ikunsa su busa ƙaho mai ƙara sosai, za su kuwa tattaro zaɓaɓɓunsa daga kusurwoyi huɗun nan, daga wannan bangon duniya zuwa wancan.
24:32
Waiting
“Yanzu fa, sai ku koyi wannan darasi daga itacen ɓaure. Da zarar rassansa suka yi taushi ganyayensa kuma suka toho, kun san damina ta kusa.
24:33
Waiting
Haka kuma, sa’ad da kun ga dukan waɗannan abubuwa, ku sani ya yi kusan zuwa, yana ma dab da bakin ƙofa.
24:34
Waiting
Gaskiya nake gaya muku, wannan zamani ba zai shuɗe ba sai dukan abubuwan nan sun faru.
24:35
Waiting
Sama da ƙasa za su shuɗe, amma maganata ba za tă taɓa shuɗe ba.
24:36
Waiting
“Babu wanda ya san wannan rana ko sa’a, ko mala’ikun da suke sama ma, ko Ɗan, sai dai Uban kaɗai.
24:37
Waiting
Kamar yadda ya faru a zamanin Nuhu, haka zai zama a dawowar Ɗan Mutum.
24:38
Waiting
Gama a kwanaki kafin ruwan tsufana, mutane sun yi ta ci, sun kuma yi ta sha, suna aure, suna kuma aurarwa, har zuwa ranar da Nuhu ya shiga jirgi;
24:39
Waiting
ba su kuwa san abin da yake faruwa ba sai da ruwan tsufana ya zo ya share su tas. Haka zai zama a dawowar Ɗan Mutum.
24:40
Waiting
Maza biyu za su kasance a gona; za a ɗau ɗaya a bar ɗaya.
24:41
Waiting
Mata biyu za su kasance suna niƙa; za a ɗau ɗaya a bar ɗaya.
24:42
Waiting
“Saboda haka sai ku zauna a faɗake, gama ba ku san a wace rana ce Ubangijinku zai zo ba.
24:43
Waiting
Ku dai gane wannan, da maigida ya san ko a wane lokaci ne da dare, ɓarawo zai zo, da sai yă zauna a faɗake yă kuma hana a shiga masa gida.
24:44
Waiting
Saboda haka ku ma, sai ku zauna a faɗake, domin Ɗan Mutum zai zo a sa’ar da ba ku za tă ba.
24:45
Waiting
“Wane ne bawan nan mai aminci da kuma mai hikima, wanda maigida ya sa yă lura da bayi a cikin gidansa, yă riƙa ba su abinci a daidai lokaci?
24:46
Waiting
Zai zama wa bawan nan da kyau in maigidan ya dawo ya same shi yana yin haka.
24:47
Waiting
Gaskiya nake gaya muku, zai sa shi yă lura da dukan dukiyarsa.
24:48
Waiting
Amma in wannan bawa mugu ne, ya kuma ce a ransa, ‘Maigidana ba zai dawo da wuri ba.’
24:49
Waiting
Sa’an nan yă fara dūkan ’yan’uwansa bayi, yana ci yana kuma sha tare da mashaya.
24:50
Waiting
Maigidan wannan bawa zai dawo a ranar da bai yi tsammani ba, a sa’ar kuma da bai sani ba.
24:51
Waiting
Maigidan zai farfasa masa jiki da bulala, yă kuma ba shi wuri tare da munafukai, inda za a yi kuka da cizon haƙora.