비로그인 상태에서는 기록이 저장되지 않습니다. 로그인하면 기록·랭킹에 반영됩니다.
로그인Copywork
성경필사는 빠르게 끝내는 입력 훈련이 아니라, 한 절씩 말씀의 문장과 흐름을 다시 붙드는 시간입니다. 입력 내용은 이 브라우저에 임시 저장되며, 로그인하면 계정에도 저장됩니다.
소제목 단위로 진행 · 신명기
O langit, pamati kay mahambal ako!
Ang akon mga pagpanudlo magatupa pareho sa ulan ukon tun-og.
Isugid ko ang ngalan sang Ginoo.
Siya ang akon palalipdan nga bato;
Pero kamo nagpakasala sa iya
Amo bala ini ang inyo ibalos sa Ginoo?
Dumduma ninyo ang nagligad nga mga tinuig;
Sang ginhatagan sang Labing Mataas nga Dios
Pero ang parte sang Ginoo amo ang iya katawhan;
Nakita niya sila sa desierto,
Ginbantayan niya sila pareho sa agila
Ang Ginoo lang gid ang nagtuytoy sa iya katawhan,
Ginpagahom niya sila sa mga kabukiran,
Ginhatagan niya sila sang mga keso kag gatas
Nagmauswagon ang mga Israelinhon
Ginpaimon nila kag ginpaakig ang Ginoo
Naghalad sila sa mga demonyo nga indi matuod nga Dios—
Ginkalimtan nila ang Dios
Nakita ini sang Ginoo,
Nagsiling siya, “Talikdan ko sila,
Ginpaimon nila ako sa indi matuod nga dios,
Kay ang akon kaakig nagadabadaba nga daw kalayo.
“Padal-an ko sila sang mga kalamidad,
Pagutuman ko sila;
Sa guwa sang ila balay madamo ang magakalamatay sa inaway,
Nagsiling ako nga laptahon ko sila
Pero indi ko pagtugutan nga magpabugal ang ila mga kaaway kag magsiling,
Ang Israel isa ka nasyon
Kon maalamon lang sila,
Paano bala malagas sang isa ka tawo
Kay ang palalipdan nga bato sang aton mga kaaway
Ang aton mga kaaway,
kag kaangay sang bino nga halin sa dalit sang man-og.
Nakahibalo ang Ginoo sang ila ginahimo;
Nagsiling siya, “Ako ang magabalos kag magasilot sa ila,
Magahukom ang Ginoo pabor sa iya katawhan;
Dayon mamangkot ang Ginoosa iya katawhan,
Diin na karon ang ila mga dios nga nagakaon sang tambok
Tan-awa ninyo karon;
Karon, bayawon ko ang akon mga kamot kag magsumpa,
bairon ko ang nagaidlak ko nga espada
Ang akon pana mabulit sang ila mga dugo,
Kamo nga mga nasyon, dayawa ninyo ang katawhan sang Ginoo,
Ginhambal ni Moises kaupod ni Josue nga anak ni Nun ang mensahi sang sini nga kanta sa mga tawo.
Pagkatapos hambal ni Moises sini,
nagsiling siya sa mga tawo, “Itanom gid ninyo sa inyo mga tagipusuon ang tanan nga ginhambal ko sa inyo subong. Itudlo man ninyo ini sa inyo mga anak para matuman nila sing maayo ang tanan nga ginasiling sa sini nga mga sugo.
Ini nga mga sugo indi ordinaryo lang nga mga pulong; ini magahatag sa inyo sang kabuhi. Kon tumanon ninyo ini magakabuhi kamo sing malawig sa duta nga inyo panag-iyahan sa tabok sang Jordan.”
Sa sina mismo nga adlaw nagsiling ang Ginoo kay Moises,
“Magkadto ka sa Moab, sa kabukiran sang Abarim kag magsaka ka sa Bukid sang Nebo nga nagaatubang sa Jerico. Tan-awa didto ang Canaan, ang duta nga ginahatag ko sa mga Israelinhon nga ila panag-iyahan.
Kag dira sa sina nga bukid mapatay ka, kag isimpon ka sa imo mga paryente nga nagkalamatay na, subong nga si Aaron nga imo utod napatay sa Bukid sang Hor kag ginsimpon man sa iya mga paryente.
Kay duha kamo nadulaan sang pagsalig sa akon sa atubangan sang mga Israelinhon sang didto kamo sa tuburan sang Meriba Kadesh, sa kamingawan sang Zin. Wala ninyo pagpadunggi ang akon pagkabalaan sa ila atubangan.
Gani makita mo lang sa malayo ang duta nga ginahatag ko sa mga Israelinhon, pero indi ka makasulod didto.”