Copywork is not a speed-typing drill but time to re-hold the words and flow of Scripture, one verse at a time. Your input is saved temporarily in this browser, and to your account when you are signed in.
Naghambalanay ang mga Israelinhon, “Dali, mabalik na kita sa Ginoo. Siya ang naglaglag sa aton kag siya man ang magabulig sa aton.
6:2
Waiting
Daw pareho kita sa patay nga buhion niya gilayon. Sa indi madugay pabangunon niya kita, kag magakabuhi kita sa iya presensya.
6:3
Waiting
Tinguhaan ta nga makilala ang Ginoo. Magaabot siya kag sigurado gid ini pareho sang pagbutlak sang adlaw. Magaabot siya pareho sang ulan nga nagahatag sang tubig sa duta.”
6:4
Waiting
Pero nagsiling ang Ginoo, “Mga katawhan sang Israel kag Juda, ano bala ang himuon ko sa inyo? Ang inyo paghigugma sa akon dali lang madula pareho sang ambon ukon tun-og sa kaagahon.
6:5
Waiting
Amo gani nga ginapaandaman ko kamo paagi sa akon mga propeta nga malaglag kamo kag magakalamatay. Ipahayag ko gid ang akon paghukom pareho sang kilat kasanag.
6:6
Waiting
Kay indi ang inyo mga halad ang akon luyag kundi ang inyo gugma. Mas gusto ko pa nga kilalahon ninyo ako sang sa maghalad kamo sang mga halad nga ginasunog.
6:7
Waiting
Pareho kay Adan, ginbaliwala ninyo ang akon kasugtanan sa inyo. Nagluib kamo sa akon dira sa inyo lugar.
6:8
Waiting
Ang siyudad sang Gilead ginaestaran sang malain nga mga tawo pati sang mga manugpatay.
6:9
Waiting
Ang inyo mga pari daw sa grupo sang mga tulisan nga nagabantay sang mabiktima. Nagapamatay sila sa dalan nga pakadto sa Shekem, kag kon ano pa nga makahuluya nga mga buluhaton ang ila ginahimo.
6:10
Waiting
Mga taga-Israel, terible ang nakita ko sa inyo; nagasimba kamo sa mga dios-dios, gani nangin mahigko kamo.
6:11
Waiting
Kag bisan kamo nga mga taga-Juda, napat-od na nga silutan kamo.