Locutusque est Dominus ad Moysen in deserto Sinai in tabernaculo fœderis, prima die mensis secundi, anno altero egressionis eorum ex Ægypto, dicens:
1:2
待機
Tollite summam universæ congregationis filiorum Israël per cognationes et domos suas, et nomina singulorum, quidquid sexus est masculini
1:3
待機
a vigesimo anno et supra, omnium virorum fortium ex Israël, et numerabitis eos per turmas suas, tu et Aaron.
1:4
待機
Eruntque vobiscum principes tribuum ac domorum in cognationibus suis,
1:5
待機
quorum ista sunt nomina: de Ruben, Elisur, filius Sedeur;
1:6
待機
de Simeon, Salamiel filius Surisaddai;
1:7
待機
de Juda, Nahasson filius Aminadab;
1:8
待機
de Issachar, Nathanaël filius Suar;
1:9
待機
de Zabulon, Eliab filius Helon;
1:10
待機
filiorum autem Joseph, de Ephraim, Elisama filius Ammiud; de Manasse, Gamaliel filius Phadassur;
1:11
待機
de Benjamin, Abidan filius Gedeonis;
1:12
待機
de Dan, Ahiezer filius Ammisaddai;
1:13
待機
de Aser, Phegiel filius Ochran;
1:14
待機
de Gad, Eliasaph filius Duel;
1:15
待機
de Nephthali, Ahira filius Enan.
1:16
待機
Hi nobilissimi principes multitudinis per tribus et cognationes suas, et capita exercitus Israël,
1:17
待機
quos tulerunt Moyses et Aaron cum omni vulgi multitudine:
1:18
待機
et congregaverunt primo die mensis secundi, recensentes eos per cognationes, et domos, ac familias, et capita, et nomina singulorum a vigesimo anno et supra,
1:19
待機
sicut præceperat Dominus Moysi. Numeratique sunt in deserto Sinai.
1:20
待機
De Ruben primogenito Israëlis per generationes et familias ac domos suas, et nomina capitum singulorum, omne quod sexus est masculini a vigesimo anno et supra, procedentium ad bellum,
1:21
待機
quadraginta sex millia quingenti.
1:22
待機
De filiis Simeon per generationes et familias ac domos cognationum suarum recensiti sunt per nomina et capita singulorum, omne quod sexus est masculini a vigesimo anno et supra, procedentium ad bellum,
1:23
待機
quinquaginta novem millia trecenti.
1:24
待機
De filiis Gad per generationes et familias ac domos cognationum suarum recensiti sunt per nomina singulorum a viginti annis et supra, omnes qui ad bella procederent,
1:25
待機
quadraginta quinque millia sexcenti quinquaginta.
1:26
待機
De filiis Juda per generationes et familias ac domos cognationum suarum, per nomina singulorum a vigesimo anno et supra, omnes qui poterant ad bella procedere,
1:27
待機
recensiti sunt septuaginta quatuor millia sexcenti.
1:28
待機
De filiis Issachar, per generationes et familias ac domos cognationum suarum, per nomina singulorum a vigesimo anno et supra, omnes qui ad bella procederent,
1:29
待機
recensiti sunt quinquaginta quatuor millia quadringenti.
1:30
待機
De filiis Zabulon per generationes et familias ac domos cognationum suarum recensiti sunt per nomina singulorum a vigesimo anno et supra, omnes qui poterant ad bella procedere,
1:31
待機
quinquaginta septem millia quadringenti.
1:32
待機
De filiis Joseph, filiorum Ephraim per generationes et familias ac domos cognationum suarum recensiti sunt per nomina singulorum a vigesimo anno et supra, omnes qui poterant ad bella procedere,
1:33
待機
quadraginta millia quingenti.
1:34
待機
Porro filiorum Manasse per generationes et familias ac domos cognationum suarum recensiti sunt per nomina singulorum a viginti annis et supra, omnes qui poterant ad bella procedere,
1:35
待機
triginta duo millia ducenti.
1:36
待機
De filiis Benjamin per generationes et familias ac domos cognationum suarum recensiti sunt nominibus singulorum a vigesimo anno et supra, omnes qui poterant ad bella procedere,
1:37
待機
triginta quinque millia quadringenti.
1:38
待機
De filiis Dan per generationes et familias ac domos cognationum suarum recensiti sunt nominibus singulorum a vigesimo anno et supra, omnes qui poterant ad bella procedere,
1:39
待機
sexaginta duo millia septingenti.
1:40
待機
De filiis Aser per generationes et familias ac domos cognationum suarum recensiti sunt per nomina singulorum a vigesimo anno et supra, omnes qui poterant ad bella procedere,
1:41
待機
quadraginta millia et mille quingenti.
1:42
待機
De filiis Nephthali per generationes et familias ac domos cognationum suarum recensiti sunt nominibus singulorum a vigesimo anno et supra, omnes qui poterant ad bella procedere,
1:43
待機
quinquaginta tria millia quadringenti.
1:44
待機
Hi sunt, quos numeraverunt Moyses et Aaron, et duodecim principes Israël, singulos per domos cognationum suarum.
1:45
待機
Fueruntque omnis numerus filiorum Israël per domos et familias suas a vigesimo anno et supra, qui poterant ad bella procedere,
1:46
待機
sexcenta tria millia virorum quingenti quinquaginta.
1:47
待機
Levitæ autem in tribu familiarum suarum non sunt numerati cum eis.
1:48
待機
Locutusque est Dominus ad Moysen, dicens:
1:49
待機
Tribum Levi noli numerare, neque pones summam eorum cum filiis Israël:
1:50
待機
sed constitue eos super tabernaculum testimonii et cuncta vasa ejus, et quidquid ad cæremonias pertinet. Ipsi portabunt tabernaculum et omnia utensilia ejus: et erunt in ministerio, ac per gyrum tabernaculi metabuntur.
1:51
待機
Cum proficiscendum fuerit, deponent Levitæ tabernaculum; cum castrametandum, erigent. Quisquis externorum accesserit, occidetur.
1:52
待機
Metabuntur autem castra filii Israël unusquisque per turmas et cuneos atque exercitum suum.
1:53
待機
Porro Levitæ per gyrum tabernaculi figent tentoria, ne fiat indignatio super multitudinem filiorum Israël, et excubabunt in custodiis tabernaculi testimonii.
1:54
待機
Fecerunt ergo filii Israël juxta omnia quæ præceperat Dominus Moysi.