Nagsiling ang Ginoo, “Sang pareho pa ang Israel sa isa ka bata, ginhigugma ko siya. Gintawag ko siya halin sa Egypt bilang akon anak.
11:2
대기
Pero karon, bisan sige ang tawag ko sa ila nga mga taga-Israel, labi na gid gani nga nagapalayo sila sa akon. Nagahalad sila sang mga halad kag nagasunog sang mga insenso sa mga imahen ni Baal.
11:3
대기
Ako ang nag-atipan sa ila; daw pareho lang nga gin-uyatan ko sila sa kamot kag gintudluan sa paglakat, pero wala nila ginkilala nga ako ang nag-atipan sa ila.
11:4
대기
Gintuytuyan ko sila nga may pagpalangga pareho sang pagpalangga sang isa ka tawo sa iya nga baka. Daw pareho lang nga ginkuha ko ang gota sa ila liog kag nagduko sa pagpakaon sa ila.
11:5
대기
Pero tungod nga indi nila gusto nga magbalik sa akon, sigurado nga magabalik sila sa Egypt, kag pagadumalahan sila sang Assyria.
11:6
대기
Salakayon sang mga kaaway ang ila mga banwa kag gub-on ang mga trangka sang mga puwertahan sini. Gub-on sang ila mga kaaway ang ila mga plano.
11:7
대기
Sila nga akon katawhan desidido nga magpalayo sa akon. Gani bisan magpanawag pa sila sing tingob sa akon indi ko sila pagluwason.
11:8
대기
“Mga taga-Israel, indi ko mahimo nga sikwayon kamo ukon pabay-an na lang. Indi ko mahimo nga laglagon kamo sing bug-os pareho sang ginhimo ko sa mga banwa sang Adma kag Zeboyim. Indi maagwanta sang akon balatyagon nga himuon ini sa inyo. Naluoy gid ako sa inyo.
11:9
대기
Indi ko na pag-ipakita ang akon puwerte nga kaakig; indi ko na paggub-on ang Israel, kay Dios ako kag indi tawo. Ako ang Balaan nga Dios nga kaupod ninyo, kag indi ako magkadto sa inyo nga akig.
11:10
대기
“Magasunod kamo sa akon sa tion nga magangurob ako pareho sang leon. Sigurado gid nga magangurob ako, kag magadali-dali kamo puli halin sa west.
11:11
대기
Magaabot kamo sing madasig pareho sang mga pispis nga halin sa Egypt ukon pareho sang mga pating nga halin sa Assyria. Paestaron ko kamo liwat sa inyo mga balay. Ako, ang Ginoo, ang nagasiling sini.”
11:12
대기
Permi lang ako ginabutigan kag ginatunto sang mga taga-Israel. Ang mga taga-Juda padayon nga nagapalayo sa Dios nga balaan kag matutom.