Copywork is not a speed-typing drill but time to re-hold the words and flow of Scripture, one verse at a time. Your input is saved temporarily in this browser, and to your account when you are signed in.
Mga anak, pamatii ninyo sing maayo ang mga pagtadlong sang inyo amay sa inyo pamatasan, para may matun-an kamo.
4:2
Waiting
Maayo ang akon ginatudlo, gani indi ninyo ini pag-ibaliwala.
4:3
Waiting
Sang bata pa gid ako sa poder sang akon amay, paborito ako sang akon iloy.
4:4
Waiting
Gintudluan ako sang akon amay. Siling niya sa akon, “Hupti sa imo tagipusuon ang mga ginatudlo ko sa imo. Tumana ang mga sugo ko sa imo para padayon ka nga magakabuhi.
4:5
Waiting
Tinguhai nga makaangkon ka sang kaalam kag pag-intiendi. Indi pagkalimti ang mga ginasiling ko sa imo, kag indi ka magbiya sa sini.
4:6
Waiting
Indi pag-isikwaya ang kaalam, kundi hatagi ini sing importansya, kay magatipig ini sa imo.
4:7
Waiting
Ang kaalam ukon ang pag-intiendi amo ang pinakaimportante sa tanan, gani tinguhaan mo gid nga maangkon mo ini bisan maubos ang tanan mo nga pagkabutang.
4:8
Waiting
Pakamahala kag batuna ang kaalam, kay makahatag ini sa imo sang kadungganan.
4:9
Waiting
Pareho ini sa korokorona nga mga bulak nga makapatahom sa imo.”
4:10
Waiting
Anak, pamatii kag batuna ang mga ginasiling ko sa imo, para magalawig ang imo kabuhi.
4:11
Waiting
Gintudluan ko na ikaw sang kaalam, kon paano ka magkabuhi sing husto.
4:12
Waiting
Gani kon sundon mo ini, wala sing may makasablag sa imo pagkabuhi, kag indi ka maano.
4:13
Waiting
Indi gid pagkalimti ang mga pagtadlong ko sa imo pamatasan; tipigi ini sa imo tagipusuon kay magakabuhi ka sa sini.
4:14
Waiting
Indi pagsunda ang ginahimo sang mga malain.
4:15
Waiting
Likawi gid ina kag magpadayon ka sa imo pagkabuhi nga matarong.
4:16
Waiting
Kay indi sila makatulog kon indi sila makahimo sang malain ukon makapanglaglag sa iban.
4:17
Waiting
Ang kalautan kag ang pagpamintas daw pagkaon kag ilimnon para sa ila.
4:18
Waiting
Ang pagkabuhi sang mga matarong pareho sa pagbutlak sang adlaw nga nagasanag pa gid hasta mag-udto.
4:19
Waiting
Pero ang pagkabuhi sang mga malain pareho sa kadulom, kag indi nila mahibaluan kon ano ang kabangdanan sang ila pagkalaglag.
4:20
Waiting
Anak, pamatii sing maayo ang mga ginatudlo ko sa imo;
4:21
Waiting
indi gid ini pagkalimti, kundi tipigi ini sa imo tagipusuon.
4:22
Waiting
Kay nagahatag ini sang maayo nga lawas kag malawig nga kabuhi sa mga nagabaton sini.
4:23
Waiting
Bantayi sing maayo ang imo hunahuna, kay kon ano ang imo ginahunahuna amo man ang imo kabuhi.
4:24
Waiting
Indi ka maghambal sing dinaya ukon binutig.
4:25
Waiting
Isintro ang imo panulok sa maayo.
4:26
Waiting
Hunahunaa gid sing maayo ang tanan mo nga pagahimuon para mangin maayo ang resulta sini.
4:27
Waiting
Magkabuhi ka sing tadlong; likawi ang paghimo sang malain.