Copywork is not a speed-typing drill but time to re-hold the words and flow of Scripture, one verse at a time. Your input is saved temporarily in this browser, and to your account when you are signed in.
Mas maayo nga pilion ang maayo nga reputasyon sang sa madamo nga manggad. Ang pagtahod sang mga tawo sa imo mas bilidhon pa sang sa bulawan kag pilak.
22:2
Waiting
Ang manggaranon kag ang imol pareho lang nga ginhimo sang Ginoo.
22:3
Waiting
Nagalikaw ang maalamon nga tawo kon masugata niya ang katalagman, pero wala nagalikaw ang tawo nga wala sing alam, gani nagaantos siya.
22:4
Waiting
Ang pagtahod sa Ginoo kag ang pagpaubos makahatag sa imo sang manggad, dungog, kag malawig nga kabuhi.
22:5
Waiting
Nagalakat ang mga malain sa dalan nga tunukon kag may mga siod. Maglikaw ka sa sina nga dalan kon ginatipigan mo ang imo kabuhi.
22:6
Waiting
Tudlui ang bata sang husto nga pagginawi, kag dumdumon niya ina bisan tigulang na siya.
22:7
Waiting
Ang mga imol ginadumalahan sang mga manggaranon, kag ang mga nagautang ulipon sang mga nagapautang.
22:8
Waiting
Ang nagapanggas sang kalautan magaani sang kalaglagan, kag mauntat na ang iya pagpanghalit sa iban.
22:9
Waiting
Pakamaayuhon sang Dios ang mga mahinatagon nga nagahatag sang pagkaon sa mga imol.
22:10
Waiting
Kon palayason ang mga tawo nga nagapangyaguta, madula na ang pagbinaisay, pag-ilinaway, kag pag-insultuhanay.
22:11
Waiting
Mangin amigo sang hari ang tawo nga sinsero kag malulo maghambal.
22:12
Waiting
Ginabantayan maayo sang Ginoo ang mga maalamon, pero ginaguba niya ang mga plano sang mga maluibon.
22:13
Waiting
Ang matamad nga tawo indi magguwa sa balay kay kuno may leon sa guwa kag basi tukbon siya.
22:14
Waiting
Ang mga ginahambal sang malain nga babayi makahalit sa imo pareho sa madalom nga buho, kag sa sini nga buho nagakahulog ang mga ginakaugtan sang Ginoo.
22:15
Waiting
Batasan na sang mga bata ang pagbinuang, pero matadlong ini nga batasan kon disiplinahon sila.
22:16
Waiting
Magaimol ang tawo nga nagahatag sa mga manggaranon ukon nagadaogdaog sa mga imol para magmanggaranon siya.
22:17
Waiting
Pamatii ang ginasiling sang maalamon nga mga tawo. Pamatii ini sing maayo samtang ginatudlo ko ini sa imo,
22:18
Waiting
kay magmalipayon ka gid kon mahibaluan mo kag masaulo ini.
22:19
Waiting
Ginatudlo ko ini subong sa imo para magsalig ka sa Ginoo.
22:20
Waiting
Nagsulat ako sang 30 ka hulubaton nga makalaygay kag makahatag sa imo sang kaalam.
22:21
Waiting
Paagi sini mahibaluan mo kon ano ang kamatuoran, kag makahatag ka sing masaligan nga sabat sa tawo nga magpamangkot sa imo.
22:22
Waiting
Indi ka magpamintaha sa mga imol, kag indi sila pagdaog-dauga sa korte,
22:23
Waiting
kay ang Ginoo amo ang magadepensa sa ila. Kag kon ano ang inyo himuon sa ila nga indi maayo amo man ang himuon sang Ginoo sa inyo.
22:24
Waiting
Indi ka magpakig-abyan sa tawo nga dali mangakig,
22:25
Waiting
kay basi kon magpareho ka man sa iya, kag masiod ka sa sina nga batasan.
22:26
Waiting
Indi ka magpromisa nga ikaw ang magbayad sang utang sang iban.
22:27
Waiting
Kay kon indi ka makabayad, kuhaon nila bisan ang imo hiligdaan.
22:28
Waiting
Indi mo paghalinon ang muhon nga ginbutang sang una sang imo mga katigulangan.
22:29
Waiting
Ang tawo nga maayo mag-obra magaalagad sa mga hari kag indi sa ordinaryo nga mga tawo.