Copywork is not a speed-typing drill but time to re-hold the words and flow of Scripture, one verse at a time. Your input is saved temporarily in this browser, and to your account when you are signed in.
आता लेवीचे कुटुंबप्रमुख कनानातील शिलोहमध्ये असताना एलअज़ार याजक, नूनाचा पुत्र यहोशुआ आणि इस्राएलच्या इतर गोत्राच्या कुटुंब प्रमुखांकडे आले
21:2
Waiting
आणि कनानातील शिलोह येथे त्यांना म्हणाले, “याहवेहने मोशेद्वारे आज्ञा दिली होती की तुम्ही आम्हाला राहण्यासाठी नगरे व आमच्या गुरांसाठी कुरणे द्यावीत.”
21:3
Waiting
तेव्हा याहवेहने दिलेल्या आज्ञेप्रमाणे, इस्राएली लोकांनी स्वतःच्या वतनभागातून लेवी लोकांना नगरे आणि कुरणे दिली, ती ही:
21:4
Waiting
पहिली चिठ्ठी कोहाथी लोकांच्या कुळांप्रमाणे निघाली. लेवी जे अहरोन याजकाचे वंशज होते त्यांना यहूदाह, शिमओन आणि बिन्यामीन गोत्रांच्या वतनातून तेरा नगरे दिली गेली.
21:5
Waiting
बाकीच्या कोहाथी वंशजांना एफ्राईम, दान व मनश्शेहचा अर्धा वंश या गोत्रांच्या प्रदेशातील दहा नगरे चिठ्ठ्या टाकून देण्यात आली.
21:6
Waiting
गेर्षोनाच्या वंशजांना इस्साखार, आशेर, नफताली व बाशानातील मनश्शेहच्या अर्धा वंशाच्या गोत्रातील कुळांच्या वतनातून तेरा नगरे देण्यात आली.
21:7
Waiting
मरारीच्या वंशजांना त्यांच्या कुळांनुसार रऊबेन, गाद आणि जबुलून गोत्रातून बारा नगरे मिळाली.
21:8
Waiting
याहवेहने मोशेद्वारे जसे आज्ञापिले होते, त्याप्रमाणे इस्राएली लोकांनी चिठ्ठ्या टाकून लेवी लोकांना नगरे व त्यांची कुरणे नेमून दिली.
21:9
Waiting
त्यांनी यहूदाह आणि शिमओनच्या गोत्रांना त्यांच्या नावानुसार नगरे दिली.
21:10
Waiting
अहरोनाचे वंशज जे लेवीच्या गोत्रातील कोहाथी कुळाचे होते, त्यांची चिठ्ठी पहिली निघाली होती. त्यांना जी नगरे मिळाली ती ही:
21:11
Waiting
त्यांना यहूदीयाच्या डोंगराळ प्रदेशातील किर्याथ-अर्बा (म्हणजे हेब्रोन) व त्याची सभोवतालची कुरणे दिली. (अर्बा हा अनाकाचा पूर्वज होता.)
21:12
Waiting
परंतु त्या शहराच्या सभोवतालची शेती आणि गावे यफुन्नेहचा पुत्र कालेबाला त्याचे वतन म्हणून देण्यात आले होते.
21:13
Waiting
म्हणून अहरोन याजकाच्या वंशजांना त्यांनी हेब्रोन (हत्या केलेल्या व्यक्तीसाठी एक आश्रयाचे शहर), लिब्नाह,
21:14
Waiting
यत्तीर, एशतमोआ,
21:15
Waiting
होलोन, दबीर,
21:16
Waiting
एईन, युत्ताह आणि बेथ-शेमेश व त्यांची कुरणे, ही एकूण नऊ नगरे या दोन गोत्रांकडून दिली.
21:17
Waiting
बिन्यामीनच्या गोत्राकडून त्यांना:
21:18
Waiting
अनाथोथ आणि अलमोन अशी त्यांच्या कुरणांसह चार नगरे दिली.
21:19
Waiting
अहरोन याजकाच्या वंशजांना त्यांच्या कुरणासहित मिळालेल्या नगरांची एकूण संख्या तेरा झाली.
21:20
Waiting
कोहाथाच्या कुळांतील राहिलेल्या लेव्यांना एफ्राईम गोत्राच्या वतनातून नगरे देण्यात आली:
21:21
Waiting
एफ्राईमच्या डोंगराळ प्रदेशात त्यांना दिलेली नगरे ही:
21:22
Waiting
किबसाईम आणि बेथ-होरोन ही त्यांच्या कुरणांसह एकूण चार नगरे.
21:23
Waiting
दानच्या गोत्राकडून त्यांना मिळालेली नगरे ही:
21:24
Waiting
अय्यालोन व गथ-रिम्मोन; त्यांच्या कुरणासह ही चार नगरे होती.
21:25
Waiting
मनश्शेहच्या अर्ध्या गोत्राकडून:
21:26
Waiting
ही सर्व एकूण दहा नगरे व त्यांची कुरणे राहिलेल्या कोहाथी कुळाला मिळाली.
21:27
Waiting
लेवी कुळातील गेर्षोनाच्या गोत्राला:
21:28
Waiting
इस्साखारच्या गोत्राकडून:
21:29
Waiting
यर्मूथ व एन-गन्नीम व त्यांच्या कुरणासह चार नगरे देण्यात आली.
21:30
Waiting
आशेरच्या गोत्राकडून:
21:31
Waiting
हेलकथ व रहोब ही चार नगरे व त्यांची कुरणे देण्यात आली;
21:32
Waiting
नफतालीच्या गोत्राकडून:
21:33
Waiting
गेर्षोन कुळाच्या वाट्याला तेरा नगरे व त्यांची कुरणे आली.
21:34
Waiting
मरारी कुळास (बाकीच्या लेवी गोत्राला):
21:35
Waiting
दिमनाह व नहलाल ही चार नगरे त्यांच्या कुरणांसह देण्यात आली.
21:36
Waiting
रऊबेनच्या गोत्राकडून:
21:37
Waiting
केदेमोथ व मेफाथ ही चार नगरे व त्यांची कुरणे देण्यात आली.
21:38
Waiting
गादच्या गोत्राकडून:
21:39
Waiting
हेशबोन व याजेर ही चार नगरे त्यांच्या कुरणांसह देण्यात आली.
21:40
Waiting
लेवीच्या उर्वरित कुळांना, म्हणजे मरारी कुळास एकूण बारा नगरे चिठ्ठ्या टाकून देण्यात आली.
21:41
Waiting
इस्राएली लोकांच्या हद्दीत लेवी लोकांची सर्व मिळून अठ्ठेचाळीस नगरे व त्यांची कुरणे होती.
21:42
Waiting
यातील प्रत्येक नगराच्या सभोवती कुरणे होती. असेच सर्व नगरांचे होते.
21:43
Waiting
याप्रमाणे याहवेहने इस्राएलाच्या पूर्वजांना जो देश देण्याची शपथ घेतली होती, तो सर्व त्यांना दिला आणि त्यांनी त्याचा ताबा घेऊन त्यात वस्ती केली.
21:44
Waiting
याहवेहने त्यांच्या पूर्वजांना शपथ दिल्याप्रमाणे त्यांना सर्वस्वी विसावा दिला. त्यांचा एकही शत्रू त्यांच्यासमोर उभा राहू शकला नाही; याहवेहने इस्राएली लोकांच्या प्रत्येक शत्रूला त्यांच्या हाती दिले.
21:45
Waiting
याहवेहने इस्राएली लोकांना दिलेली जी चांगली अभिवचने होती त्यातील एकही निष्फळ झाले नाही; त्यातील प्रत्येक अभिवचन पूर्ण झाले.