Mas maayo nga pilion ang maayo nga reputasyon sang sa madamo nga manggad. Ang pagtahod sang mga tawo sa imo mas bilidhon pa sang sa bulawan kag pilak.
22:2
대기
Ang manggaranon kag ang imol pareho lang nga ginhimo sang Ginoo.
22:3
대기
Nagalikaw ang maalamon nga tawo kon masugata niya ang katalagman, pero wala nagalikaw ang tawo nga wala sing alam, gani nagaantos siya.
22:4
대기
Ang pagtahod sa Ginoo kag ang pagpaubos makahatag sa imo sang manggad, dungog, kag malawig nga kabuhi.
22:5
대기
Nagalakat ang mga malain sa dalan nga tunukon kag may mga siod. Maglikaw ka sa sina nga dalan kon ginatipigan mo ang imo kabuhi.
22:6
대기
Tudlui ang bata sang husto nga pagginawi, kag dumdumon niya ina bisan tigulang na siya.
22:7
대기
Ang mga imol ginadumalahan sang mga manggaranon, kag ang mga nagautang ulipon sang mga nagapautang.
22:8
대기
Ang nagapanggas sang kalautan magaani sang kalaglagan, kag mauntat na ang iya pagpanghalit sa iban.
22:9
대기
Pakamaayuhon sang Dios ang mga mahinatagon nga nagahatag sang pagkaon sa mga imol.
22:10
대기
Kon palayason ang mga tawo nga nagapangyaguta, madula na ang pagbinaisay, pag-ilinaway, kag pag-insultuhanay.
22:11
대기
Mangin amigo sang hari ang tawo nga sinsero kag malulo maghambal.
22:12
대기
Ginabantayan maayo sang Ginoo ang mga maalamon, pero ginaguba niya ang mga plano sang mga maluibon.
22:13
대기
Ang matamad nga tawo indi magguwa sa balay kay kuno may leon sa guwa kag basi tukbon siya.
22:14
대기
Ang mga ginahambal sang malain nga babayi makahalit sa imo pareho sa madalom nga buho, kag sa sini nga buho nagakahulog ang mga ginakaugtan sang Ginoo.
22:15
대기
Batasan na sang mga bata ang pagbinuang, pero matadlong ini nga batasan kon disiplinahon sila.
22:16
대기
Magaimol ang tawo nga nagahatag sa mga manggaranon ukon nagadaogdaog sa mga imol para magmanggaranon siya.
22:17
대기
Pamatii ang ginasiling sang maalamon nga mga tawo. Pamatii ini sing maayo samtang ginatudlo ko ini sa imo,
22:18
대기
kay magmalipayon ka gid kon mahibaluan mo kag masaulo ini.
22:19
대기
Ginatudlo ko ini subong sa imo para magsalig ka sa Ginoo.
22:20
대기
Nagsulat ako sang 30 ka hulubaton nga makalaygay kag makahatag sa imo sang kaalam.
22:21
대기
Paagi sini mahibaluan mo kon ano ang kamatuoran, kag makahatag ka sing masaligan nga sabat sa tawo nga magpamangkot sa imo.
22:22
대기
Indi ka magpamintaha sa mga imol, kag indi sila pagdaog-dauga sa korte,
22:23
대기
kay ang Ginoo amo ang magadepensa sa ila. Kag kon ano ang inyo himuon sa ila nga indi maayo amo man ang himuon sang Ginoo sa inyo.
22:24
대기
Indi ka magpakig-abyan sa tawo nga dali mangakig,
22:25
대기
kay basi kon magpareho ka man sa iya, kag masiod ka sa sina nga batasan.
22:26
대기
Indi ka magpromisa nga ikaw ang magbayad sang utang sang iban.
22:27
대기
Kay kon indi ka makabayad, kuhaon nila bisan ang imo hiligdaan.
22:28
대기
Indi mo paghalinon ang muhon nga ginbutang sang una sang imo mga katigulangan.
22:29
대기
Ang tawo nga maayo mag-obra magaalagad sa mga hari kag indi sa ordinaryo nga mga tawo.