비로그인 상태에서는 기록이 저장되지 않습니다. 로그인하면 기록·랭킹에 반영됩니다.
로그인Copywork
성경필사는 빠르게 끝내는 입력 훈련이 아니라, 한 절씩 말씀의 문장과 흐름을 다시 붙드는 시간입니다. 입력 내용은 이 브라우저에 임시 저장되며, 로그인하면 계정에도 저장됩니다.
소제목 단위로 진행 · 시편
Ginahigugma ko ang Ginoo,
Tungod kay ginapamatian niya ako,
Nahadlok ako kay nabatyagan ko nga daw dali na lang ako mapatay;
gani nagpanawag ako sa Ginoo, “Ginoo, luwasa ako!”
Ang Ginoo nga aton Dios maluluy-on, matarong, kag mabinalak-on.
Ginaprotektaran niya ang mga wala sing alam.
Dapat magpakabakod ako tungod kay maayo gid ang Ginoo sa akon,
kay ginluwas niya ako sa kamatayon, sa kasubo kag sa kalaglagan.
Gani magakabuhi ako nga malapit sa Ginoo diri sa kalibutan sang mga buhi.
Nagatuo gihapon ako, bisan pa nga nagsiling ako, “Puwerte gid ang akon pag-antos.”
Sa akon kahadlok nagsiling ako, “Wala gid sing tawo nga masaligan.”
Ano bala ang maibalos ko sa Ginoo sa tanan niya nga kaayo sa akon?
Magasimba ako sa Ginoo kag magadala ako sang halad nga ilimnon
Tumanon ko ang akon mga promisa sa iya sa presensya sang tanan niya nga katawhan.
Nasakitan ang Ginoo kon may mapatay sa iya matutom nga katawhan.
Ginoo, matuod nga suluguon mo ako.
Magasimba ako sa imo
Tumanon ko ang akon mga promisa sa imo sa presensya sang tanan mo nga katawhan
didto sa ugsaran sang imo templo sa Jerusalem.