비로그인 상태에서는 기록이 저장되지 않습니다. 로그인하면 기록·랭킹에 반영됩니다.
로그인Copywork
성경필사는 빠르게 끝내는 입력 훈련이 아니라, 한 절씩 말씀의 문장과 흐름을 다시 붙드는 시간입니다. 입력 내용은 이 브라우저에 임시 저장되며, 로그인하면 계정에도 저장됩니다.
소제목 단위로 진행 · 잠언
Ang kaalam kag pag-intiendi pareho sa tawo nga nagawali.
Nagatindog siya sa mataas nga mga lugar sa kilid sang dalan, sa mga ginsang-an sang mga dalan,
sa mga puwertahan sang siyudad, kag sa mga alagyan. Kag nagawali siya sing mabaskog,
“Tanan kamo nga katawhan, nagapakighambal ako sa inyo.
Kamo nga mga wala sing alam, magmaalamon kamo.
Pamati kamo sa akon ginahambal, kay mapuslanon ini kag husto.
Matuod gid ang akon ginahambal kag ginakangil-aran ko ang maghambal sing malain.
Matarong ang tanan ko nga ginahambal kag wala ako nagahambal sang binutig ukon dinaya.
Maathag ini tanan kag wala sing sala sa mga tawo nga may pag-intiendi.
Palabiha ang kaalam kag ang pagtadlong ko sa imo pamatasan sang sa pilak kag bulawan.
Kay ang kaalam mas bilidhon pa sang sa malahalon nga mga bato
Ako, nga amo ang kaalam, nakahibalo magtimbang-timbang kon diin ang husto ukon indi,
Ang nagatahod sa Ginoo nagakaugot sa malain.
Maayo ako maglaygay kag may husto nga kaalam. May pag-intiendi ako kag gahom.
Paagi sa akon makadumala ang mga hari,
Paagi sa akon makadumala ang mga manugdumala
Ginahigugma ko ang mga nagahigugma sa akon;
Makahatag ako sang manggad, dungog, kauswagan kag kadalag-an nga nagapadayon.
Ang makuha sa akon mas malahalon pa sang sa puro gid nga bulawan ukon pilak.
Ginasunod ko ang matarong kag husto.
Ang nagahigugma sa akon hatagan ko sang manggad;
Sang una pa nga daan, kaupod na ako sang Ginoo antes niya gintuga ang tanan.
Ginbuot niya nga ara na ako halin pa sang una.
Ara na ako sang pagtuga niya sang langit,
sang pagtuga niya sang mga panganod,
sang pagbutang niya sang dulunan sang dagat para indi ini maglapaw,
Pareho ako sa isa ka arkitekto sa tupad sang Ginoo.
Nagakalipay ako sa kalibutan nga iya gintuga kag sa mga katawhan.
Gani karon mga anak, pamatii ninyo ako,
Pamatii ninyo ang mga pagtadlong ko sa inyo pamatasan para mangin maalamon kamo;
Bulahan ang tawo nga permi nagabantay kag nagahulat sa pagpamati sa akon.
Kay ang tawo nga nagapangita sa akon makaangkon sang maayo kag malawig nga kabuhi,
Pero ang tawo nga wala nagapangita sa akon, ginahalitan lang niya ang iya kaugalingon.