Propter quod inexcusabilis es, o homo omnis qui judicas. In quo enim judicas alterum, teipsum condemnas: eadem enim agis quæ judicas.
2:2
대기
Scimus enim quoniam judicium Dei est secundum veritatem in eos qui talia agunt.
2:3
대기
Existimas autem hoc, o homo, qui judicas eos qui talia agunt, et facis ea, quia tu effugies judicium Dei?
2:4
대기
an divitias bonitatis ejus, et patientiæ, et longanimitatis contemnis? ignoras quoniam benignitas Dei ad pœnitentiam te adducit?
2:5
대기
Secundum autem duritiam tuam, et impœnitens cor, thesaurizas tibi iram in die iræ, et revelationis justi judicii Dei,
2:6
대기
qui reddet unicuique secundum opera ejus:
2:7
대기
iis quidem qui secundum patientiam boni operis, gloriam, et honorem, et incorruptionem quærunt, vitam æternam:
2:8
대기
iis autem qui sunt ex contentione, et qui non acquiescunt veritati, credunt autem iniquitati, ira et indignatio.
2:9
대기
Tribulatio et angustia in omnem animam hominis operantis malum, Judæi primum, et Græci:
2:10
대기
gloria autem, et honor, et pax omni operanti bonum, Judæo primum, et Græco:
2:11
대기
non enim est acceptio personarum apud Deum.
2:12
대기
Quicumque enim sine lege peccaverunt, sine lege peribunt: et quicumque in lege peccaverunt, per legem judicabuntur.
2:13
대기
Non enim auditores legis justi sunt apud Deum, sed factores legis justificabuntur.
2:14
대기
Cum autem gentes, quæ legem non habent, naturaliter ea, quæ legis sunt, faciunt, ejusmodi legem non habentes, ipsi sibi sunt lex:
2:15
대기
qui ostendunt opus legis scriptum in cordibus suis, testimonium reddente illis conscientia ipsorum, et inter se invicem cogitationibus accusantibus, aut etiam defendentibus,
2:16
대기
in die, cum judicabit Deus occulta hominum, secundum Evangelium meum per Jesum Christum.
2:17
대기
Si autem tu Judæus cognominaris, et requiescis in lege, et gloriaris in Deo,
2:18
대기
et nosti voluntatem ejus, et probas utiliora, instructus per legem,
2:19
대기
confidis teipsum esse ducem cæcorum, lumen eorum qui in tenebris sunt,
2:20
대기
eruditorem insipientium, magistrum infantium, habentem formam scientiæ, et veritatis in lege.
2:21
대기
Qui ergo alium doces, teipsum non doces: qui prædicas non furandum, furaris:
2:22
대기
qui dicis non mœchandum, mœcharis: qui abominaris idola, sacrilegium facis:
2:23
대기
qui in lege gloriaris, per prævaricationem legis Deum inhonoras.
2:24
대기
(Nomen enim Dei per vos blasphematur inter gentes, sicut scriptum est.)
2:25
대기
Circumcisio quidem prodest, si legem observes: si autem prævaricator legis sis, circumcisio tua præputium facta est.
2:26
대기
Si igitur præputium justitias legis custodiat, nonne præputium illius in circumcisionem reputabitur?
2:27
대기
et judicabit id quod ex natura est præputium, legem consummans, te, qui per litteram et circumcisionem prævaricator legis es?
2:28
대기
Non enim qui in manifesto, Judæus est: neque quæ in manifesto, in carne, est circumcisio:
2:29
대기
sed qui in abscondito, Judæus est: et circumcisio cordis in spiritu, non littera: cujus laus non ex hominibus, sed ex Deo est.